[星座] 十二星座豪賭膽色真面目 白羊座, 十二星座, 巨蟹座, 真面目, 金牛座

伊安

白羊座 : 數口唔精，連自己有幾多儲蓄都唔知，點學人落重注，一步登天呢？細細地玩下六合彩，怡下情算啦。

金牛座 : 冇錢就等於冇命，莫講話大賭，就算肯小賭下，用錢都會心大心細，一日都落唔到注，參觀下賭場好啦。

雙子座 : 有腦筋，又識收料，每落一注都經過悉心策劃，所以好有信心。雖然唔會舖舖嬴，但雙子座o既人賭運唔錯。

巨蟹座 : 個人較盲目，貪念一起就唔諗後果，即刻去搏一舖。但天生慈母型，輸o左又唔出聲，自己諗埋一邊，等於自尋死路。

獅子座 : 永遠要保持咁上下o既儲蓄去花，又點可以淨係靠份糧過日呢？天生係大使家，亦係天生大炒家，整定一世行橫財運。

處女座 : 數口精叻，行事謹慎，但天生冇乜賭運。要搏一舖都要分析一輪，然後擺少少多餘錢玩下就算。

天秤座 : 鍾意人云亦云，唔好彩跟住個爛賭friend o既話，自然又跟住去賭。錢對佢o黎講唔多重要，輸嬴都唔在意。

天蠍座 : 做事狠毒，一定天生膽生毛，對發橫財機會絕不放過。用錢方法非常疏爽，鍾意狠狠搏一舖，通常都會輸清光。

人馬座 : 六合彩呢D小兒科o既o野就唔o岩玩，炒孖展o的風險大o既風險大o既就唔放過。好賭係人馬o既天性，上天點都畀返o的賭運佢o地o既。

山羊座 : 用錢方法，量入為出，加上性格保守，擺明就冇膽去賭。好奇心都有o的，所以要搵人夾份壯壯膽。

水瓶座 : 矛盾性格令佢o地賭起上o黎心大心細，天生賭運時好時壞，真係唔求神度過都咪賭，盞自掘墳墓。

雙魚座 : 成日都入不敷支又點去豪賭？走頭無路時都會細細地搏下。天無絕人之路，每到絕境先見到橫財o既曙光。